الأحد، 9 أغسطس 2009

قدامك حل من اتنين

قدامك حل من اتنين

مرة واحد بيسأل واحد تانى : أروح ازاى مستشفى الجامعة ؟
قام قاله : قدامك حل من اتنين .. إما تركب تاكسى أو تركب اتوبيس .. ركبت تاكسى مفيش حاجة اما لو ركبت اتوبيس قدامك حل من اتنين .. إما تقف او تقعد .. لو وقفت مفيش حاجة ولو قعدت قدامك حل من اتنين .. إما تقعد من بره أو تقعد جنب الشباك . قعدت جنب الشباك مفيش حاجة اما لو قعدت من بره هيبقى قدامك حل من اتنين .. يا إما تقعد جنب راجل أو تقعد جنب ست .. قعدت جنب راجل مفيش حاجة أما لو قعدت جنب ست هيبقى قدامك حل من اتنين .. يا اما تكلمها أو متكلمهاش .. مكلمتهاش مفيش حاجة أما لو كلمتها هيبقى قدامك حل من اتنين .. يا اما تاخد منها معاد او ما تاخدش .. مأخدتش مفيش حاجة اما لو خدت هيبقى قدامك حل من اتنين .. اما تروح او ما تروحش .. ما روحتش مفيش حاجة أما لو روحت هيبقى قدامك حل من اتنين .. يا اما تحبها أو متحبهاش محبتهاش مفيش حاجة .. أما لو حبيتها هيبقى قدامك حل من اتنين .. إما تتجوزها أو متتجوزهاش .. ما اتجوزتهاش مفيش حاجة .. أما لو اتجوزتها هيبقى قدامك حل من اتنين .. يا اما تخلف أو متخلفش .. مخلفتش مفيش حاجة أما لو خلفت هيبقى قدامك حل من اتنين .. اما تخلف بنت او تخلف ولد .. خلفت بنت مفيش حاجة اما لو خلفت ولد هيبقى قدامك حل من اتنين .. يا اما يلعب كورة .. يا اما يلعب بلاى ستيشن .. لعب بلاى ستيشن مفيش حاجة أما لو لعب كورة هيبقى قدامك حل من اتنين .. يا إما يلعب فى النادى أو يلعب فى الشارع .. لو لعب فى النادى مفيش حاجة اما لو لعب فى الشارع هيبقى قدامك حل من اتنين .. يا إما يكسر زجاج الجيران أو ميكسرهوش .. مكسرهوش مفيش حاجة .. أما لو كسره هيبقى قدامك حل من اتنين .. يا إما يطالبوك بثمن الزجاج أو ميطالبوكش .. مطالبوكش مفيش حاجة .. أما لو طالبوك هتضطر تدفع ثمن الزجاج .. وليه المصاريف دى متركب تاكسى بـ 2 جنيه من الأول .... !!!!
Zahraa

هناك تعليقان (2):

Abo-Harees يقول...

بصى قدامك تعليق من اتنين يا إما موضوعك حلو أو مش حلو لو يبقى لازم تخليه حلو ولو حلو يبقى لازم تحافظى على حلاوته

موضوع ظريف ودمه خفيف


الراعى

امل ( ملكة من طيبة ) يقول...

بصي صلي ع النبي
انا ما قداميش غير حلين مفيش تالت ليهم
اما اني اعلق او ما اعلقش
لو علقت مفيش حاجة ولو ما علقتش حيبقي قدامي حل من اتنيين اما اقول كلام كويس او اقول كلام وحش ولو قلت كلام كويس مفيش حاجة وقلو قلت كلام وحش حتحصل حاجات كتير عشان كدة مش ححعلق .


Get Image Rollover Effects at crazyprofile.com