الأحد، 11 مايو 2008

شخبطة على نفسى

انهارده بكتب علشان اشخبط مش علشان حاجه تانيه
وعلشان الشخبطة بتاعتى تبقى شخبطة عليها القيمة يبقى لازم أشخبط بضمير
وأول شخابيطى زمان وأنا صغير
كانت شخبطتى تلاقيها على كل كتاب وعلى ورقه وعلى كل حيطه
وكان لكل شخبطة معنى رغم انها شخابيط
لكن انهارده مش قادر اشخبط على الحيطان ولا على الورق ولا على الكتب
علشان كده حشخبط على نفسى وحشخبط على الناس اللى متعجبنيش

؟؟؟؟ طيب اشخبط على نفسى ازاى ؟؟؟
لسه حفكر وأحاول اسأل عن النوع ده من الشخبطة وأقولكم

بس افتكر انى اشخبط على الحاجات الكويسه فيا
اه طبعاً .. علشان تفضل الحاجات الوحشه اللى تتماشى مع العصر ومع الناس فى الزمن الجميل ده

لو ادولك الخيار تشخبط على نفسك إما الجانب الكويس أو الجانب الوحش
فأيهما تختار

!!!!!بصراحة موضوع محير!!!!!
لكن نبدأ نضع تصور للنوعين من الشخبطة

لو شخبطت على الحاجات الكويسه مش حيفضل إلا الحاجات الوحشه واللى فى ناس حتتأذى منها
وحكون كسبت نفسى وخسرت الناس

ولو شخبطت على الحاجات الوحشه مش حيفضل إلا الحاجات الكويسه
وده صعب لأن مفيش إنسان على هيئة ملاك لكن لو فرضنا دع حصل
حلاقى أنى بخسر نفسى وبضيعها وبكسب محبة الناس خاصة فى زماننا

أيه رأيكم
أشخبط على أنهى صفات وأنهى حاجات
انا مستنى تعليفاتكم

رجاء أفيدونى
اعيثونى . اغيثونى . اغيثونى

الراعى

هناك 7 تعليقات:

One Mile يقول...

أولاً: بأشكر حضرتك على هذه المدونة الثرية جداً و أشكرك على تعليقاتك القيمة على مدونتي.

ثانياً: طبعا و من غير سؤال شخبط على كل ما هو سيءو ده في ظني لأن أول واحد هيكسب من الموضوع ده هي نفسك و من ثم الآخرين.....لا أدري لماذا افترضت أنك ستكسب الآخرين و هتتعب نفسك؟؟؟

احنا بنعامل ربنا مش الناس و لو كان ربنا بيقول قل لعبادي يقولوا التي هي أحسن، يعني ينقوا ألفاظهم كمان لازم ينقوا صفاتهم الأحسن علشان يواجهوا بيها الحياة و الناس في أي زمن كان.

و شكراً

قوس قزح يقول...

انا هشخبط على الحاجات الوحشة
مش علشان الناس
علشانى انا
لان الحاجات الكويسة جوايا بتدينى امل انى الاقى الكويس فى الناس التانية

صعب اكون وحشة وسط الوحشين حتى لو هترحم من الالم

MarwaAshraf يقول...

أنا بعتبر الحاجات الوحشة اللي بمر بيها في حياتي او الحاجات الوحشة اللي بعملها بما إني انسان هي شخبطة في حد ذاتها .. وبثيت أثر

محدش فينا عدى في الدنيا دي من غير شغبطة

شكرا على مروروك الكريم

غير معرف يقول...

شخبط على الصفات الوحشه ياطيب لو شخبطت على الحلو فيك وسبت الوحش مش هتكون كسبان زى ماانت فاكر انت اللى هتخسر
هتخسر نفسك .هتخسر نعم كتير كمان ربنا عطيهالك اوعى تشخبط على الحلو ولو حصل الحق وارجع قبل ميموت جواك ساعتها لا يفيد الندم

غير معرف يقول...

إلى الغريب فى الدنيا عزيزى أنت من صنعت غربتك حاول أن تقترب ممن حولك كما هم يحتاجون إلى قربك منهموكما هم يريدون ثق فى أنك لن تجد الحيرة التى أنت تعيشها الأن وستكتشف أنه ليس بك أى شيىء وحش وسوف ترى الحياةبمبى وتشعر بأنك أصبحت أحسن تلق

ندا منير يقول...

انا راى انك تشخبط على اى حاجة تدايقك او انت شايفها سيئة ومتعملش اعتبار للناس
تعمل اعتبار بس لربنا تشوف ايه اللى ممكن يغضبه وتشخبط عليه
وافتكر انك لو كسبت ربنا هو هيغنيك عن الدنيا كلها

zahraa يقول...

أنا من رأيى تشخبط على أى حاجة ممكن تبعدك عن ربنا وتخليك كمان تكسب الدنيا وتخسر الآخرة
وحاول تفتكر دا كويس !!!!
وكمان تشخبط على أى صفة أنت ورثتها من ال........ واهم هذه الصفات :الغرور - الثقة الزائدة جدًا بالنفس -هى طبعًا ضروريةبس لما تبقى زيادة بتكون وحشة- وكمان تشخبط على انطوائيتك وحياتك جوا نفسك لأنك مش حتقدر تعيش عمرك كله كده


Get Image Rollover Effects at crazyprofile.com